Avdelinga i Folgefonngata består i dag av fem hus, Folgefonngata 9, 11 og 13 og to uthus. Uthuset Buen som høyrer til Folgefonngata 9 er biletspelsal og forsamlingslokale og kan leigast. Anlegget i Folgefonngata er eit vitnesbyrd om levde liv: lagnader, hardt arbeid, livsmot og trua på framtida. Anlegget var det første store restaureringsprosjektet museet gjennomførte. I Folgefonngata kan du få sjå dei eldste arbeidarboligane i Odda. Er bygningane stengde, er du alltid velkommen til å setja deg ned i hagen. Vi tilbyr omvising og filmen 'Borna på Bakke' etter avtale.
I 2010 tok museet over det gamle laboratoriet på smelteverkstomta og bygd det om til KraftLaben vitensenter i samarbeid med VilVite i Bergen. Museet kjøpte også smia på smelteverkstomta i 2010 - som vart restaurert og er i dag ei av dei siste industrismiene i Norden.
I 2019 tok Kraftmuseet over Lindehuset og vil saman med Ullensvang kommune utvikla det tidlegare industribygget til eit regionalt kulturhus.
I dag nyttar museet dei historiske husa på Bakke i hovudsak til undervisning, omvisingar og arrangement. Venelaget Kraftmuseets Venner nyttar nr. 13 som kontor og samlingslokale.
Museumshagen i Folgefonngata. Foto: Harald Hognerud Kraftmuseet
Buen møtelokale i museumshagen i Odda sentrum. Foto: Anne Gravdal Kraftmuseet
Bodil Honve og Harald Knutsson fortel i filmen "Borna på Bakke" om korleis det var å vaksa opp på Bakke. Foto: Kraftmuseet arkiv